UN DIOS LANZA SU HACHA… / JUNP’ÉEL K’UJ KU CH’INIK U BÁAT...

Un dios lanza su hacha:

mueren faroles,

El semáforo cambia a negro,

aúllan enloquecidos cláxones,

el lodo salpica coches, los detiene,

los ahoga.

En otra parte,

alguna aldea se levanta de la sed,

el agua florece su rostro,

sacia chultunes,

sartenejas,

cántaros,

sonrisas.

La floresta fecunda metáforas:

el aire es gigante que corre entre la selva,

la noche venado lamiendo su linaje,

fulgores habitan la piel del ocelote,

el rugido del tigre al rayo despierta,

los sapos son pedazos de jade musical,

goterones golpean el tambor de la tortuga.

En cambio aquí,

la lluvia arruina discursos oficiales,

y esta bendita ciudad

se vuelve charca.

Junp’éel k’uj ku ch’inik u báat,

u nu’ukulo’ob sáasil ku kíimilo’ob,

juulboon ku p’atik boox u juul,

chokopol xóobilo’ob ku ok’ochi’ibalo’ob,

luuk’e’ ku wíits’il ti’ k’áak’ tsíimino’ob, ku je’elsiko’ob,

ku buliko’ob.

Tuláak’ tu’uxe’

junp’éel chan kaaj ku líik’il ti’ uk’aj,

ja’e’ ku loolankúunsik u tan yich,

ku chupik chultuno’ob,

jaltuno’ob,

p’úulo’ob,

che’ejo’ob.

K’áaxe’ ku kaakabkúunsik suyuj t’aano’ob:

le iik’o’ wa’apáach’ ku yáalkab ichil le k’áaxo’,

áak’abe’ kéej tun léets’ik u yaal,

leelemo’ob ku kajtalo’ob tu yoot’el sak xikim,

u yáakam chak mo’ole’ ku yajsik u jaats’ cháak,

muucho’obe’ xéexet’al ya’ax tuunich ku juumo’ob,

nukuch ch’áajo’be’ ku jats’iko’ob u túunk’ul áak.

Ba’ale’ te’ela’,

cháake’ ku k’askúunsik ma’alob t’aano’ob,

le kili’ich noj kaaja’

ku súutul luuk’.

__________

Wildernaín Villegas Carrillo (Peto, Yucatán, 1981). Poema incluido en Semillas de nuestra tierra. Muestra ecopoética mexicana. Selección y trenzado de Mónica Nepote y Yaxkin Melchy, Cactus del Viento, México, 2023. Pertenece al libro U K’aay Ch’i’ibal / El canto de la estirpe.